Takim “Konsultim I rekomandimeve të dldp-së për strategjinë e Decentralizimit, me kryetarë të njësive të qeverisjes vendore dhe ekspertë vendor”

 Më datë 4 korrik 2014 në Shkodër u mbajt një takim me temë “Konsultim I rekomandimeve të Dldp-së për Strategjinë e Decentralizimit, me kryetarë të Njësive të Qeverisjes Vendore dhe ekspertë vendor”.  

Takimi u organizua si vazhdim i takimeve konsultative me ekpertë të NjQV-ve dhe ekspertë kombëtarë dhe ndërkombëtarë për të validuar përmbledhjen e rekomandimeve dhe sugjerimeve të dldp në fushat e Menaxhimin të Financave Publike, Menaxhimin e mbetjeve urbane, në E-gov dhe në aksesin e fondeve, rekomandime këto të përgatitura gjatë gjysmës së parë të vitit nga ekpertë kombëtarë dhe ndërkombëtarë të dldp. Përmbledhja e rekomandimeve pas validimit nga ekspertët e pranishëm do t’u prezantohet grupeve të punës për hartimin e Strategjisë së Decentralizimit si një input dhe kontribut i dldp dhe NjQV-ve për këtë strategji.

Takimi u hap me paraqitjen e përmbledhjes së rekomandimeve për Decentralizimin Fiskal (Elvin Hoxha); Funksionet nga këndvështrimi i sektorit të menaxhimit të mbetjeve (Arben Kopliku); Rekomandime – Alokimi i funksioneve (Elvin Hoxha); Rekomandime – Fuqizimi i kapaciteteve të administratës së NJQV (Erton Kashta); Programi i Zonave Funksionale (Erton Kashta); Rekomandime – qeverisja elektronike (Erton Kashta)

Në takim ishin të pranishëm 30 persona përgjegjës nga komunat Velipojë, Kallmet, Bushat, Dajç BB, Gruemirë, bashkitë; Pukë, Lezhë, Shkodër dhe Vau I Dejës, si dhe nga këshillat e  Qarqeve Shkodër e Lezhë. Në takim morën pjesë edhe koordinatori për Strategjinë e Decentralizimit dhe Qeverisjes Vendore Z.Edvin Puka dhe Eksperti I Decentralizimit nga USAID/PLGP z.Fatlum Nurja.