Arritjet e dldp-së gjatë 2017 në Fondet Grant dhe Planet e Përgjithshme Vendore

60% e Njësive Administrative në 12 Bashki të përfshira në skemë kanë përfituar nga fondet grant të dldp-së shumën prej 1.56 milion CHF, në 3 fusha të ndërhyrjes: (i) infrastrukturë, (ii) menaxhim mbetjesh, dhe (iii) shërbime administrative.

Modeli i menaxhimit të fondit grant ka mundësuar mbështetje për 15 projekte. Gjatë 2017 dldp ka menaxhuar përfundimin e të gjitha projekteve, përfshi këtu edhe finalizimin e çështjeve administrative. Në të gjitha prej 12 bashkive përfituese, 69 NJQV (ose 80%) përfituan nga projektet e mbështetura nga dldp.

Shpërndarja e fondit grant të dldp

Në 2017, mbështetur nga dldp-ja, Planet e Përgjithshme Lokale janë përshtatur mirë me Planin Rajonal të Alpeve. 5 GLP-të u përfunduan dhe 2 prej tyre u miratuan me një shpejtësi të shkëlqyer dhe prezantuan instrumente inovative të pjesëmarrjes si përfshirja e Diasporës.

Gjatë procesit të zhvillimit të GLP-ve në pesë bashkitë e mbështetura dldp i dha një vëmendje të veçantë futjes së platformave të reja të konsultimit me grupe të veçanta interesi. Dldp arriti të përfshijë diasporën shqiptare (të Malësisë së Madhe dhe Tropojë) në kontributin në proceset e GLP, duke iu përgjigjur edhe objektivave të Qeverisë Shqiptare drejt Diasporës shqiptare.

Për t’iu përgjigjur sfidave të paraqitura nga zbatimi i menjëhershëm i GLV-ve, i cili përfshin problemin e financave vendore, dldp organizoi një vizitë studimore për bashkitë Lushnje dhe Kuçovë, të cilat kanë karakteristika të ngjashme dhe kontekstin e zhvillimit si partnerët e dldp-së dhe i kanë miratuar GLP- me qëllim që të shkëmbejnë dhe të mësojnë nga njëri-tjetri.

Konferenca Ndërkombëtare mbi “Migracionin, Diasporën dhe Zhvillimin në Shqipëri dhe Ballkanin Perëndimor” shërbeu si një platformë e larmishme dhe gjithëpërfshirëse (akademikë, politikë, hulumtues, ekspertë lokalë, biznesmenë, fetarë etj.) për të diskutuar çështje të lidhura me diasporën në kontekste të ndryshme, duke përfshirë nivelin lokal, ku dldp kishte mundësinë të ndante modelet e angazhimit të Diasporës në proceset lokale (p.sh. korniza e GLP) me një gamë të gjerë të palëve të interesuara në nivel kombëtar dhe ndërkombëtarë.
Duke përfunduar angazhimin e saj në planifikimin strategjik lokal, dldp mbështeti Ministrinë e Infrastrukturës dhe Energjisë dhe NTPA për të organizuar Forumin e Planifikimit të Territorit Lokal, duke integruar njohuritë e tij dhe elementët inovativë (p.sh. angazhimi i diasporës dhe lidhja e GLP me PBA) në proces.

Arritjet gjatë 2014 në Zonat Funksionale

“Studimi rreth Zonave Funksionale në Shqipëri”, ka prezantuar dhe përcaktuar metodologjinë e 8 Zonave Funksionale në 5 Qarqe (Shkodër, Lezhë, Dibër, Kukës dhe Durrës) ku bashkëpunon programi Dldp.

Dldp ka kontribuar përmes studimit të Zonave Funksionale edhe në procesin e Reformës Administrative Territoriale, por gjithashtu edhe në planifikimin e implikimeve të mëtejshme praktike të kësaj përqasje e konceptualizuar si një “Programi i Zonës Funksionale” (PZF). PZF është menduar si një mjet zhvillimi për njësitë e reja (të shkrira) të qeverisjes vendore (NJQV-të) që do të rezultojnë pas zbatimit të reformës.

Po ashtu, në lidhje me partnerët e tjerë në fushën e zhvillimt, projekti  STAR/UNDP ka marrë përsipër replikimin e Studimit të Zonës Funksionale në rang vendi.