Seminar Mbi marrëdhënien kontraktuale të NJQV mbi operimin e Z1N, brenda dldp-së dhe kompanisë që ofron shërbimin

Dldp në bashkëpunim me organizatën FLAG organizoi një trajnim një ditor me 13 Shkurt 2014. Trajnimi u organizua në ambientet e zyrave të dldp-së dhe pati si qëllim diskutimin e çështjeve kontraktuale për mirëmbajtjen dhe avancimin e moduleve te Z1N dhe ndërgjegjësimin e NJQV-ve në ndjekjen e modaliteteve të kontratës.
Gjatë trajnimit eksperti i FLAG prezantoi gjetjet pozitive të bashkëpunimit të tilla si: Kontrata ka një mbulim të mirë të aspekteve të blerjes, instalimin, trajnimin, mirëmbajtjen dhe të avancimit të softeve. Kontrata është ndjekur kryesisht nga stafi IT në bashkëpunim me kreun e Z1N-së dhe departamentin juridik.  
Ndër pikat e dobëta të hasura gjatë bashkëpunimit mund të përmendim:  
Kontratat nuk është shumë e njohur nga stafet e NJQV-ve.
Kontratat nuk janë ndjekur siç duhet dhe ekzekutuar nga NJQV.
NjQV gjejnë të vështirë për të ndjekur kontratën 5 vjeçare si prokurim vjetor i shërbimeve.
Në këtë trajnim ndjekja ishte e gjerë me 20 pjesëmarrës nga përfaqësues të Bashkisë Shkodër dhe Lezhë. Po ashtu edhe nga komunat Bushat, Velipojë, Dajç Bregu i Bunës, Kallmet, ARK IT si dhe koordinatorët e programit të dldp-së nën moderimin e ekspertit të organizatës FLAG.

Kliko ketu per te shkarkuar prezantimin