Vizitë studimore e dldp-së mbi Menaxhimin e Financave Publike, Menaxhimin e Mbetjeve dhe Planifikimin Territorial

Published by dldp at January 23, 2014

Tags

Në kuadër të përfundimit të dldp 2 dhe fillimit të dldp 3 programi organizoi një vizitë studimore në Zvicërr. Metodologjitë e zhvilluara e pilotuara përgjatë fazës së dytë të programit (2010-2013) në fusha kyç të mbështetjes si Planifikim e Menaxhim Financiar dhe Menaxhim i Shërbimeve Publike (sektori i mbetjeve) kanë prodhur gjetje e rekomandime me vlerë për politik-bërësit vendorë dhe kombëtar. Ekspozimi i aktorëve kyç ndaj praktikave, gjetjeve dhe rekomandimeve të zhvilluara në kuadër të dldp, si dhe mënyra se si këto metodologji aplikohen në kontekstin zviceran e rezultat që prodhojnë – përbënte një prej qëllimeve të udhëtimit studimor.
Kjo vizitë studimore u mbajt në Zvicër në datat 15-21 dhjetor, me objektivat e mëposhtme:
•    Prezantimin e përqasjes së dldp-së dhe arritjet e saj në planifikim,menaxhim financiar dhe menaxhim i mbetjeve urbane.
•    Ndarja e eksperiencave zvicerane në fushën e menaxhimit financiar, parashikimit të të ardhurave dhe menaxhimit të mbetjeve.
•    Prezantimi i eksperiencave aktuale zvicerrane mbi menaxhimin territorial dhe validimi me pjesëmarrësit i gjetjeve të kërkimit mbi zonat funksionale si metodologji e lidhur me të, që pilotohet në Shqipërinë e Veriut.
Në këtë vizitë studimore morën pjesë deputetë nga Kuvendi, përfaqsues të Njësive të Qeverisjes Vendore nga Qarqet e Shkodrës, Lezhës, Kukësit, Dibrës dhe Durrësit, përfqasues dhe këshilltarë nga ministritë e linjës.