Në kuadër të programit të Helvetas për 2017-2020, advokimi është përcaktuar si një çështje e tërthortë nga oganizata që nënkupton se advokimi po adresohet në të gjitha programet e vendeve, po ashtu edhe përmes projekteve specifike. Prandaj, Helvetas së bashku me partnerët dhe aleatët e saj advokon në shumë tema apo çështje të ndryshme, varësisht kontekstit kombëtar, rajonal apo lokal duke filluar nga të pestë fushat e veprimit. Në mënyrë që të ketë koherencë dhe koordinim në tërë organizatën, Helvetas siguron udhëzim konceptual dhe strategjik në lidhje me një sërë temash dhe çështjesh, dhe lehtëson shkëmbimin e njohurive dhe mësimeve midis njësive të ndryshme organizative.
Në këtë kuadër, Departamenti i Evropës Lindore i Helvetas Swiss Intercooperation organizoi seminarin njëjavor mbi Advokimin Rajonal mbajtur në Durrës, Shqipëri përgjatë 17-22 shtator 2018. Ky seminar u mirëprit nga programi dldp dhe mblodhi të gjitha programet e Helvetas që veprojnë në Evropën Lindore.
Ky seminar synonte diskutimin aktiv dhe të kuptuarit mbi gjithçka që lidhet me advokimin përmes ciklit të advokimit, analizave, strategjisë, monitorimit dhe vlerësimit. Seminari, bazuar në raste e zhvilluara nga pjesëmarrësit, përpunoi dhe zbatoi në praktikë konceptet dhe praktikat kryesore të advokimit. Seminari përdori përkufizimin e punës të avokimit si “proces i qëllimshëm i ndikimit të vendimeve brenda sistemeve dhe institucioneve politike, ekonomike dhe sociale me qëllim që politikat dhe proceset të bëhen më të drejta, gjithpërfshirëse dhe pro të varfërve”. Pjesëmarrësit mund të kuptonin më mirë dhe të shkëmbenin gjatë diskutimeve interaktive të temave të ndryshme në lidhje me çështjen e avokimit, si analizimi dhe të kuptuarit të ekosistemit të advokimit si një marrëdhënie komplekse dhe dinamike e funksioneve dhe rregullave.
Përgjatë pak ditëve pjesëmarrësit mund të theksonin rolin shumë të rëndësishëm të aktorëve të tjerë në avokim, duke përfshirë agjencitë donatore, kështu që në seminar u ftuan katër përfaqësues nga OJF-të ndërkombëtare dhe partnerët e zhvillimit për të folur dhe diskutuar mbi rolin e tyre në avokim dhe dialogun politik . Diskutimet u përqëndruan në mbështetjen që palët e tjera të interesit u japin projekteve të tilla siç ka Helvetas dhe kufijtë brenda të cilave mund të ofrojnë një mbështetje e tillë, koordinimin dhe konkurrencën e aktorëve të ndryshëm në avokim dhe mekanizmat për menaxhimin e proceseve, sukseseve dhe rasteve të “dështuara” në avokim . Gjithashtu, duke iu referuar shembujve konkretë në ndërveprimet me programin dldp dhe përtej saj duke u bazuar në përvojën e tyre.
Tema e ditës së tretë të seminarit ishte “Avokimi: Teori ndryshimi”, për të cilën dldp mundësoi një takim me znj. Elgantina Gjermeni, e cila është anëtare e Parlamentit Shqiptar, ish Ministre e Zhvillimit Urban dhe Turizmit dhe aktiviste e shoqërisë civile për të drejtat e grave dhe përfaqësimit. Znj. Gjermeni e mirëpriti takimin në Krujë dhe pjesëmarrësit patën mundësinë të vizitonin Kështjellën dhe pazarin e vjetër të këtij qyteti historik. Diskutimet me znj. Gjermeni, të organizuara si tryezë të rrumbullakët, theksuan mendimet interesante për rolin që organizatat kombëtare të shoqërisë civile kanë në Shqipëri, rëndësinë e programeve të financuara nga jashtë si dldp në dialogun e politikave, mënyrat për të forcuar pjesëmarrjen e OSHC-ve në avokimit, sinergjive të mundshme ndërmjet shoqërisë civile të organizuar dhe parlamentarëve të zgjedhur për ndërtimin e dialogut efektiv të politikave.
Dita e fundit e seminarit u mbyll me një format të thjeshtë fleksibël por shumë efektiv përmes organizimit të dialogut në grupe të mëdha sipas tre temave ku diskutimet fukosoheshin tek rekomandimet dhe zgjidhjet e ardhshme të pritshme.
Tema e parë ishte të thërriste grupin punues të Avokimit Rajonal të Evropës Lindore për të ankoruar shumë nga pikat e ngritura dhe të diskutuara në seminarin e avokimit. Grupi, i udhëhequr nga Valbona Karakaçi nga dldp, kishte anëtarë nga grupet e ndryshme.
Tema e dytë ishte angazhimi i partnerëve për një ndërhyrje efektive të avokimit. Një agjendë e suksesshme e zhvillimit kërkon partneritete për të hedhur themelet dhe për të siguruar impaktet afatgjata dhe të mëdha. Ajo kërkon që ne të dimë saktësisht se çfarë lloj partnerësh kërkojmë, cilët janë ata, si të rrisim efektivitetin e partneritetit dhe të rrisim kuptueshmërinë e roleve dhe përgjegjësive tona për një vizion të përbashkët. Sesionin e udhëhoqi Gramos Osmani, nga programi Risi Albania.
Tema 3 ishte për të menaxhuar dhe përqafuar dështimet si sfida të mësimeve të nxjerra. Kishte një numër arsyesh për këtë, duke përfshirë pasiguritë nëse dështimet duhet të shpërblehen ose penalizohen nga donatorët ose qeveritë mikpritëse. Diskutimet u udhëhoqën nga Denalda Kuzumi, nga Bashki i Forta.
Ka një rrugë të gjatë për të shkuar drejt një bashkëpunimi dhe zhvillimi të suksesshëm në vendet e Evropës Lindore dhe avokimi është një nga këto sfida.
